दि लिटरेरी सोसाइटी अफ भूटानको अध्यक्षमा तिलक राई
दि लिटरेरी सोसाइटी अफ भुटान, बेलडाँगी दमकको साधारण सभाबाट तिलक राईको अध्यक्षतामा सात सदस्यीय कार्य समिति चयन गरिएको छ ।
त्यस्तै उपाध्यक्ष दिल भूटानी,सचिव बिरेन मगर,कोषाध्यक्ष थिरु घिमिरे ,सदस्यहरूमा अविलाल राई,गणेश धिमाल र मिरादेवी घिमिरे सर्वसम्मत निर्वाचित भएको निर्वाचन मण्डलले घोषणा गरेको थियोे ।निर्वाचन समितिमा सञ्चहाङ सुब्बा ,आशा राई र पूर्ण गुरुङ रहेका थिए ।
प्रथम साधरण सभाको पहिलो सत्रमा संस्थाको विधान,आर्थिक प्रतिवेदन ,नीति तथा कार्यक्रम र भूटानी साहित्यको संक्षिप्त इतिहास दस्तावेजहरुमाथि छलफल तथा निर्णय गरिएको संस्थाका सचिव साहित्यकार बिरेन मगरले बताए ।
`देशसँग साहित्य´भन्ने नारा सार्थक पार्न पनि यो सोसाइटीको जन्म भएको र आफ्नो मौलिकता र पहिचान जोगाउने साहित्यको माध्यमबाट लागि परेको साहित्यकार दिल भुटानीले बताए ।
धेरैजसो शरणार्थी तेस्रो मुलुक गएपछि भुटानी विचार,भावना र आन्दोलन नसेलाओस् भनी यो सोसाइटी निर्माण गरी आफ्नो सोच पोखिरहेको र निरन्तर चलिरहने साहित्यकार तिलक राईले प्रतिबद्धता जनाए ।
कार्यक्रममा स्वागत मन्तव्य अविलाल राईले गरेका थिए भने कार्यक्रम सञ्चालन बिरेन मगरले गरेका थिए ।
