सरुभक्तका सातवटा कविता-कृतिहरू समेटिएको महाग्रन्थ “सरुभक्तका कविता" लोकार्पण गरिने

झापा, माघ ७ । ख्यातिप्राप्त स्रष्टा सरुभक्तका ७ कविता–कृतिहरू समेटिएको महाग्रन्थ “सरुभक्तका कविता" लोकार्पण हुने भएको छ । मदन पुरस्कार विजेता उपन्यास पागल वस्ती तथा तरुनी खेती लगायत दर्जनौं कृतिका कृतिकारको जन्मस्थल पोखरामा सो कार्यक्रमको आयोजना गरिने भएको हो । 

कार्यक्रम माघ १० गते शनिबार पोखरा उद्योग वाणिज्य संघको अमृत कक्ष, गैह्रापाटन पोखरामा पोखरेली युवा सांस्कृतिक पारिवारको आयोजनामा सम्पन्न हुने भएको कुराको जानकारी स्रष्टा उषा शेरचनबाट प्राप्त भएको छ । 

विचारका योद्धा , साहित्यबाट विद्रोह र प्रेम सौन्दर्यचेत बोल्ने, शब्दका अथक साधक, अनुज पुस्तालाई मार्गदर्शन गर्ने , कलमबाट समाज बोल्ने नेपाल संगीत तथा नाट्य प्राज्ञ प्रतिष्ठानका पुर्व कुलपति स्रष्टा सरुभक्तका यस अघि नै प्रकाशित भएका सातवटा कविता कृतिहरुको सङ्गालो हो “सरुभक्तका कविता" ।