साहित्य कला सङ्गम दमकको विशेष रचनावाचन कार्यक्रम सम्पन्न

‎झापा , माघ ९ ।आज साहित्य कला सङ्गम दमकको विशेष रचनावाचन कार्यक्रम सम्पन्न भएको छ । संस्थाका अध्यक्ष विन्दु दाहाल मूकदर्शकको अध्यक्षता तथा खोलाघरे साहिँलोको प्रमुख आतिथ्यमा सम्पन्न सो कार्यक्रममा संस्थाका उपाध्यक्ष यादवप्रसाद अधिकारी ( झाँक्रीखोले) ले स्वागत गर्नुभएको थियो ।

संस्थाका महासचिव ओमप्रसाद खनालले सञ्चालन गर्नुभएको कार्यक्रममा मेघराज तिम्सिना , हेम अधिकारी, नरपति पाण्डे, रामकुमार नेपाल, विवेक दुलाल क्षेत्री, किशोर खनाल, अम्बिका सापकोटा, नेत्रप्रसाद अधिकारी, बन्धु, पदमप्रसाद नेउपाने, झाँक्रीखोले लगायत स्रष्टाहरुले सरस्वती पूजा विशेष तथा स्वतन्त्र गद्य तथा पद्य सिर्जना वाचन गरेका थिए भने प्रमुखअतिथि खोलाघरे साहिँलो तथा अध्यक्ष मुकदर्शकद्वारा पनि मन्तव्यका साथमा कविता वाचन गरिएको थियो ।

‎ 

‎