प्राञ्जलको दोस्रो वार्षिकोत्सवमा विविध साङ्गीतिक कार्यक्रम सम्पन्न

११असोज भद्रपुर/प्राञ्जल साधना केन्द्रको दोस्रो वार्षिकोत्सव विविध साङ्गीतिक कार्यक्रम गरि सम्पन्न गरिएको छ।
भद्रपुर नगरपालिका नगरप्रमुख गणेश पोख्रेलको प्रमुख आतिथ्यतामा भएको कार्यक्रममा भद्रपुर नगरपालिका वडा नम्बर ७का वडा अध्यक्ष अभिषेक ढुङ्गानाको विशेष आतिथ्य रहेको थियो । २०७९मा स्थापना भएको यो साधना केन्द्र भद्र्पुर नगरपालिकाकै क्रियाशील संगीत विद्यालय हो।यो साधना केन्द्रको स्थापनासँगै यस क्षेत्रका विद्यार्थीहरू लाभान्वित भएका छन्।
दोस्रो वार्षिकोत्सवको अध्यक्षता खेमराज दाहालले गरेको थिए भने कार्यक्रमको सञ्चालन खगिन्द्रा खुशीले गरेकी थिइन् । कार्यक्रममा स्वागत गीतकार देवीचरण भण्डारी गरेका थिए भने खगिन्द्रा खुशीको शब्द रचना रहेको स्वागत गीतमा सम्पूर्ण विद्यार्थीहरूले स्वर भरेका थिए ।
कार्यक्रममा आराध्या अधिकारी,खुसी रिमाल, प्रत्युसा तुलाधर र संस्कृति घिमिरेले आज हामी साना छौँ बोलको सामुहिक बाल गीत प्रस्तुत गरेका थिए जस्को शब्द/संगीत विजय दंगालको रहेको थियो । तबला प्रस्तुतीमा युनिक पाण्डे, प्राञ्जल दाहाल, निर्मला थपलिया,दर्पण भट्टराई, संदेश दवाडी,अरज चापागाई स्वादी अधिकारी सास्वत उप्रेती अमिरस ढकाल,जिज्ञासु नेपालले तबला मा आफ्नो सामुहिक कला प्रस्तुत गरेर कार्यक्रमलाई थप रौनकता प्रदान गरेका थिए ।
त्यस्तै नाकैमा फूली आत्माज्ञा निरौला र आयुष्मा घिमिरे,नौ नौ महिना प्राञ्लल दाहाल, सुरिलो रुख निर्मला थपलिया,कसरी म भुले श्रेयम अधिकारी,उकाली ओरालीहरुमा राधा रिमालले गाएर दर्शनहरुलाई मन्त्रमुग्ध पारे।
कार्यक्रममा गजलकार विवश बलिभद्र कोइराला,दिलिप घिमिरे नगर प्रमुख पोख्रेल विशेष अतिथि वडा अध्यक्ष अभिषेक ढुङ्गाना,गायक अर्जुन खरेलले समेत गीत गजल प्रस्तुत गरेका थिए ।कार्यक्रममा कवि विरही अधिकारी,राजेश ढुङ्गाना,गायक निरज पोख्रेल लगायत करिव एकभन्दा बढिको उपस्थिति रहेको थियोे ।




