ममता मृदुलसँग लघुकथामा बहस अध्याय-पाँच सम्पन्न
झापा, पौष १६ । राजधानीमा स्रष्टा ममता मृदुलसँग लघुकथामा बहस सम्पन्न भएको छ । नारी स्रष्टा समाज नेपालद्वारा आयोजनामा लघुकथामा बहस -अध्याय पाँच सम्पन्न भएको हो । सर्वनाम थिएटरमा सम्पन्न भएको कार्यक्रममा पौष ९ गते बुधबार कथाकार अशेष मल्लका लघुकथामा बहस भएको हो ।
लघुकथा समाज नेपालका अध्यक्ष तुलसीहरि कोइरालाको प्रमुख आतिथ्य रहेको सो कार्यक्रममा विधान आचार्य, इन्द्ररत्न बज्राचार्य र भागिरथी श्रेष्ठको विशिष्ट आतिथ्य रहेको थियो ।
अशेष मल्लको लघुकथाकारितामा केन्द्रित रहेको सो कार्यक्रममा ललिता दोषी, रन्जु खनाल, निशा केशी, रन्जना पराजुली लम्साल, मन्दिरा मधुश्री, दीपा चौधरी, सेसेमी लिम्बू र विनोद नेपाल, धन्वन्तरी मिश्र कात्यायन, रामकुमार पण्डित, गोम विक्रम, राज शाह, ध्रुवराज थापा, रोशन पराजुलीले अशेष मल्लको लधुकथा वाचन गर्नुभएको थियो । 
लघुकथामा बहस कार्यक्रमको सञ्चालन ममता मृदुलबाट भएको उक्त कार्यक्रममा १२ वटा लघुकथा वाचन र दुई वटा लघुकथा मान्छे र कालोरङ राज शाहको निर्देशनमा मञ्चन गरिएको थियो । अन्तिममा ममता मृदुलसँग लघुकथामा बहस- अध्याय पाँचमा याेगदान दिनु हुने सबैलाई संस्थाकी अध्यक्ष ममता मृदुल र सचिव रन्जना पराजुली लम्सालद्वारा सम्मान गरिएकाे समाचार स्रष्टा रामकुमार पण्डितबाट प्राप्त भएको छ ।
