मिलन सङ्ग्रौलाको तेस्रो कृति ‘बावऋ’को लोकार्पण
आख्यानकार मिलन सङ्ग्रौलाको तेस्रो कृति ‘बावऋ’ लोकार्पण गरिएको छ ।
काठमाडौंमा जारी किताब जात्रा साहित्यिक महोत्सवमा शुक्रबार लेखकद्वय प्रवीण खतिवडा र सगुना शाहले पुस्तक लोकार्पण गरेका थिए ।
बादल, वर्षा र ऋतुको त्रिकोणात्मक प्रेमकथा बावऋ’उपन्यासमा प्रस्तुत गरिएको अन्तरसंवाद कार्यक्रममा पर्चा गरिएको थियो ।
सबै किसिमका पाठकका लागि उपन्यास उपयोगी भएको , ‘उपन्यासको भाषाशैली आकर्षक रहेको साथै यस उपन्यासले पाठकलाई बाँधेर राखिरहन सक्ने क्षमता रहेको कार्यक्रममा टिप्पणी गरिएको थियोे ।
झापाली स्रष्टा मिलन सङ्ग्रौला युवा पुस्ताका एक कुशल लेखक हुन्। कथासङ्ग्रह ‘च्याट गर्ल’ र उपन्यास ‘पर्पला’ लेखिसकेका सङ्ग्रौलाको ‘बावऋ’ तेस्रो कृति हो । फाइनप्रिन्टले प्रकाशन गरेको यस कृतिको मूल्य ५६० रुपैयाँ छ ।
मैले किशोर अवस्थामा भोगेको एक कालखण्डको भोगाइसँग उपन्यास नजिक छ,’ आफूले साढे पाँच वर्ष उपन्यासका कथा र पात्रहरूसँगै बाँचेर ‘बावऋ’ लेखन पूरा गरेको लेखक मिलन सङ्ग्रौलाले बताए ।
