मोक्ष खतिवडाका 'आमा ' कविता सङ्ग्रह र 'सन्निधान' लघुकथा सङ्ग्रहको लोकार्पण
शनिबार छन्दकवि मोक्ष खतिवडाका दुईवटा कृति लोकार्पण भएका छन् । खतिवडाका 'आमा ' कविता सङ्ग्रह र 'सन्निधान' लघुकथा सङ्ग्रह लोकार्पण भएका हुन् । यसअघि तीनवटा कृति प्रकाशित गरिसकेकी स्रष्टा खतिवडाका चौथो र पाँचौ कृति लोकार्पण भएका हुन् । ज्येष्ठ नागरिक चौतारी बुद्धशान्ति -५ मा घरदलान साहित्य, बुद्धशान्तिले आज आयोजित कार्यक्रम साहित्यकार तेराख प्रतिष्ठानका अध्यक्ष शिवकुमार पौड्यालको समापतित्व र समाजसेवी डिल्लीराम खतिवडाको प्रमुख आतिथ्यमा सञ्चालन गरेको थियो । झापाली साहित्यकार तथा स्थानीय साहित्यप्रेमीहरूको वाक्लो उपस्थितिमा पुस्तक लोकार्पण गरिएको थियो भने लोकार्पित कृति आमा कविता सङ्ग्रहको समीक्षा चूडामणि वाशिष्ठ तथा सन्निध्य लघुकथा सङ्ग्रहको समीक्षा तारा विविधले गर्नुभएको थियो ।
