कवि तथा सन्चारकर्मी अनमोलको 'अन्तिम कुमारी रात' विमोचन

झापा- श्रावण १३ साहित्यकार लीला अनमोलको कविता सङ्ग्रह 'अन्तिम कुमारी रात'को विमोचन भएको छ । झापामा रहेर विगत पच्चीस वर्षदेखि साहित्य तथा सन्चारका क्षेत्रमा क्रियाशील बहुप्रतिभाशाली व्यक्तित्व अनमोलका यस अघि बाँसुरी कविता सङ्ग्रह तथा दुख्छ गजल सङ्ग्रह प्रकाशित भइसकेका छन् ।  विभिन्न स्थानीय, राष्ट्रिय तथा अन्तर्राष्ट्रिय सम्मान तथा पुरस्कारहरुबाट  पुरस्कृत अनमोलको तेस्रो कृतिको रुपमा आएको यो कविता सङ्ग्रहको विमोचन हिँजो श्रावण १२ गते काठमाडौँको भृकुटीमण्डपमा भएको एक कार्यक्रका बीच गरिएको हो । सात प्रदेशका १४ कविहरुद्वारा कविता वाचन गरिएको 'एपेक राष्ट्रिय महोत्सव'को कार्यक्रममा चौध कवि मध्येकी एक वाचक लीला अनमोलको यो कविता सङ्ग्रहको विमोचन समेत सोही कार्यक्रममा गरिएको थियो । कविता सङ्ग्रहलाई साङ्ग्रिला बुक्सले प्रकाशन गरेको छ ।