इटहरीमा गजल महफिल सम्पन्न

शनिबार इटहरीमा गजल महफिल सम्पन्न भएको छ । नेपालबिटको आयोजनामा भएको सो कार्यक्रममा नेपालका ख्यातिप्राप्त चार गजलकारहरुले गजल वाजन गरेर महफिल तताएका थिए । इटहरी स्थित कस्तुरी कलेजमा भएको कार्यक्रममा गजलकारहरु बाबु त्रिपाठी, रुपक बनवासी, दीपा दिपहरि र दीर्घराज प्रियसीले आठ–आठ गजल वाचन गरेका थिए । 
नेपाल बिटले हरेक शनिबार नियमित रुपमा गर्दै आएको कार्यक्रमको नयाँ श्रृङ्खलमा झापा, इलाम, मोरङ, सुनसरी लगायत पूर्वका स्रष्टाहरुको बाक्लो उपस्थिति रहेको थियो । 
नेपालबिटका सन्चालक रामप्रसाद खरेलको सभााध्यक्षतामा सम्पन्न भएको कार्यक्रममा सभाध्यक्ष खरेलले–“इटहरीमा निरन्तर भइरहेका साहित्यिक गतिविधिले सिर्जनशिलता र साहित्यिक चेतनाको विकासमा सकारात्मक योगदान पु¥याईरहेको ” कुरा व्यक्त गर्नुभएको थियो ।