बसाइँ उपन्यासका लेखक लील बहादुर क्षेत्रीको निधन

अग्रज साहित्यकार लील बहादुर क्षेत्रीको निधन भएको छ । वि.सं.१९८९मा भारत असमको गुवाहटी क्षेत्र जन्मनुभएका क्षेत्रीले विगत लामो समय देखि नेपाली भाषा साहित्यका क्षेत्रमा योगदान दिँदै आउनु भएका क्षेत्रीको अहिले/विहीबार बेलुका १०:१०मा निधन भएको कुरा साहित्यकार तथा सन्चारकर्मी चन्द्र भण्डारीद्वारा जानकारी प्राप्त भएको छ ।

ब्रह्मपुत्रको छेउछाउ अतृप्त असममा नेपाली भाषाको साह्रो गाह्रो दोबाटो तीन दशक बीस अभिव्यक्ति जस्ता कृतीहरु नेपाली साहित्य जगतमा छाडेर गएका क्षेत्रीका बसाइ उपन्यास एक बहुचर्चितत उपन्यास रहेको छ । विभिन्न राष्ट्रिय तथा अन्तर्राष्ट्रिय पुरष्कारहरुबाट पुरस्कृत क्षेत्रीलाई गत वर्ष स्वीकारोक्ति फाउन्डेसनले क्षेत्रीकै नगर गुवाहटी पुगेर नगद राशी ६ लाख रुपैयासहित स्वीकारोक्ति सिद्धि सेवा पुरस्कारबाट पुरस्कृत गरेको थियो । क्षेत्रीको निधनले नेपाली साहित्य जगतमा अपूरणीय क्षति भएको छ ।