अमेरिकामा साहित्य परिषद भूटानको ११औँ साधारणसभा सम्पन्न हुने

साहित्य परिषद भूटानको ११औँ साधारणसभा सम्पन्न हुने भएको छ । नोभेम्बर ८ मा अमेरिकाको पेन्सिलभेनियामा सम्पन्न हुने उक्त कार्यक्रममा साहित्य र सङ्गीत क्षेत्रका विभिन्न १० व्यक्तित्वहरु सम्मानित तथा पुरस्कृत हुने भएका छन् । सम्मानित हुनेहरुमा विश्वनाथ क्षेत्री, अमल थुलुङ, रत्न गुरुङ्ग, आइतसिंह राई, पदम विश्वकर्मा, कृष्ण लिम्बु, गोविन्द हुमागाईँ, अम्बर तुम्बापो, छवि न्यौपाने तथा रमेश दियाली रहेका छन् । 
सर्वज्ञ वाग्लेको प्रमुख आतिथ्यमा सम्पन्न हुने सो कार्यक्रममा कुवेर कुइँकेल शर्माको 'अन्त्यको सुरु' कविता सङ्ग्रहको विमोचन हुनेभएको छ । कार्यक्रममा प्रस्तावना पेश गरिने तथा रचनावाचन, साहित्यिक अन्तर्क्रिया तथा गायन र नृत्यहरु प्रस्तुत गरिनेकुराको जानकारी अमेरिकाबाट स्रष्टा पातलो अन्तरेले  गराउनु भएको छ ।