अमेरिकामा भानुजयन्ती विशेष कार्यक्रम

प्रत्येक वर्षको असार २९ नेपालीहरुकालागि भाषिक पर्व साबित भएको छ । भाषाका माध्यमबाट नेपालीहरुलाई एकीकरण गर्ने आदिकवि भानुभक्त आचार्यलाई सम्झँदै यो साता विश्वभरका नेपालीहरुले विभिन्न कार्यक्रमहरुको आयोजना गरिरहेका छन् । भानुजयन्तीकै अवसर पारेर अमेरिकाको साहित्यिक सँस्था विश्व भूटानी साहित्यिक संगठन(GBLO) तथा अन्तर्राष्ट्रिय नेपाली साहित्यिक समाज(अनेसास)को संयुक्त आयोजनामा जुलाई महिनाको २० तारिक अमेरिकाको हेरिसवर्गमा एक साहित्यिक कार्यक्रम सम्पन्न हुने भएको छ । प्रत्येक वर्ष भानु जयन्तीको अवसरमा विभिन्न कार्यक्रम सम्पन्न गर्दै आएको जि.बि.एल.ओ.ले यस वर्ष अनेसाससँग सहकार्य गरेर कार्यक्रम सम्पन्न गर्ने भएको हो ।  कार्यक्रममा अमेरिकाका विभिन्न स्टेटहरुबाट आएका साहित्यकार, स्रष्टाहरुले भानुलाई सम्झँदै कविता, गजल, मुक्तक तथा आ–आफ्ना रचना वाचन गर्नेकुरा आयोजक समितिका सदस्य स्रष्टा पातलो अन्तरे जानकारी दिएका छन् ।