रेखा-पवन र रमेश-गंगा स्रष्टा सम्मान घोषणा

झापा १४ फागुन /नेपाल स्रष्टा समाजले यस वर्षको रेखा- पवन स्रष्टा सम्मान र रमेशगंगा स्रष्टा सम्मान तीनजना स्रष्टाहरुलाई अर्पण गर्ने निर्णय गरेको छ । 

समाजले एक लाख एक सय एघार रुपैयाँ नगद राशिसहितको रेखा – पवन स्रष्टा सम्मान -२०८२ संयुक्तरुपमा अग्रज साहित्यिक पत्रकार तथा साहित्यकार नगेन्द्रराज शर्मा र रोचक घिमिरेलाई अर्पण गर्ने निर्णय गरेको छ।
यसैगरी एक्काईस हजार एक सय एघार रुपैयाँ नगद राशिसहितको रमेशगंगा स्रष्टा सम्मान – २०८२ द्वारा साहित्यकार डा. देवी नेपाललाई अर्पण गर्ने भएको छ । 

नेपाल स्रष्टा समाज,केन्द्रीय समितिको बैठकले निर्णय गरेका रेखा-पवन स्रष्टा सम्मान आगामी फागुन २४ गते र रमेशगंगा स्रष्टा सम्मान फागुन २६ गते समर्पण गरिने समाजका अध्यक्ष श्रीओम श्रेष्ठ ‘रोदन’ले जानकारी दिनुभएको छ ।