मनोहरा साहित्य समाजमा पुरस्कार वितरण एवम् पुस्तक विमोचन

माघ १२गते /मनोहरा साहित्य समाजको ९७ अ‍ौं काव्यशृङ्खला  र पिंडाली हास्यव्यंग्य पुरस्कार वितरण एवम् पुस्तक विमोचन कार्यक्रम आज सम्पन्न गरिएको छ। 

   कार्यक्रम ग्लोबल पब्लिक स्कुलको सभाहल पेप्सीकोलामा मनोहरा साहित्य समाजका अध्यक्ष डिल्लीराज अर्यालको सभानायकत्व, सुपरिचचित साहित्यकार नरेन्द्रराज शर्मा प्रमुख आमन्त्रित तथा,नेपाली गजलका पुनरुत्थापक ज्ञानुवाकर पौडेल ,विशिष्ट  नियात्राकार प्रतीक ढकाल,पिंडाली हास्यव्यंग्य पुरस्कारका संस्थापक आर सी रिजाल, सुपरिचित स्रष्टा देवी ज्ञवाली ,ग्लोबल पब्लिक स्कूलका प्रिन्सिपल मातृका कार्की,भालचन्द्र भण्डारी ,दिव्येश्वरी जोशी,शीतल गिरी, मुकुन्द शर्माको विशेष आतिथ्य रहेको कार्यक्रमका सहजकर्ता  संस्थाका सचिव भावकेशर बराल उपस्थिति रहेको थियो । 

   सुपरिचित हास्यव्यङ्ग्यकार केशवराज पिंडालीको जन्म सप्ताहको अवसरमा आयोजित यस कार्यक्रममा 
 पिंडालीको तस्बिरमा माल्यार्पण गरेपछि अध्यक्षले स्वागत मन्तव्य  दिनुभएको थियो  ।  स्रष्टा पदयात्राका अध्यक्ष शीतल गिरिले व्यंग्य क्षेत्रका साहित्यकार मुकुन्द शर्माको परिचय प्रस्तुत गर्नुभएपछि  उहाँलाई  नगद रू.२० हजार सहितको " पिंडाली हास्यव्यङ्ग्य पुरस्कार- २०८१ अर्पण गरिएको साहित्यकार खोलाघरे साहिंलोले बताए । 

 प्रखर हास्यव्यङ्ग्यकार केशवराज पिंडालीको नामसँग सम्बद्ध सम्मानबाट सम्मानित हुन पाउँदा आफूलाई अत्यन्तै खुशी लागेको बताउँदै मुकुन्द शर्माले धन्यवाद  ज्ञापन गर्नु भएको थियो । यसै कार्यक्रममा बुद्धिसागर पौडेलद्वारा रचित "प्रगीत" गीतसङ्ग्रह र भालचन्द्र भद्वारा रचित चम्पूकाव्य " सुमधुर क्षण चियासँग" को सामुहिक विमोचन गरिएको थियो । मनोहरा साहित्य समाजका कोषाध्यक्ष खोलाघरे साहिंलोबाट "प्रगीत"माथि  र "सुमधुर क्षण चियासँग" माथि दिव्येश्वरी जोशीबाट लघुसमीक्षा प्रस्तुत गरिएको थियोे ।  कृतिकारहरू बुद्धिसागर पौडेल र भालचन्द्र भण्डारीबाट आफ्ना कृतिहरू विमोचनको अवसरका लागि धन्यवाद मन्तव्य दिनुभएको थियो । 

साहित्यकारहरू देवी ज्ञवाली ,प्रतीक ढकाल,मन्तव्य , आर सी रिजाल ,प्रमुख आमन्त्रित नरेन्द्रराज पौडेल र ज्ञानुवाकर पौडेलले केशवराज पिंडालीप्रति हार्दिक श्रद्धा व्यक्त गर्दै यस कार्यक्रमको सराहना गर्नुभएको थियो ।
यसका साथै आज भएको मासिक नियमित रचनावाचन कार्यक्रममा निम्नानुसारका स्रष्टाहरूबाट रचनावाचन गरिएको थियोे- 

मान्यता कार्की,रिमा बोहोरा,
  रामशरण न्यौपाने,शालिग्राम दाहाल , चेवन बस्नेत, रेशिका पाण्डे, डिल्लीप्रसाद मुल्तिहुन ,अनिल पौडेल,  कृष्णप्रसाद पौडेल जस्ताघरे,दिव्यलक्ष्मी पोख्रेल,मातृका कार्की ,सम्पत् काफ्ले, कविराज घिमिरे ,भुवन शिवाकोटी,पदम दाहाल,रत्ननिधि रेग्मी ,वसन्त रिजाल,प्रेमनाथ घिमिरे ,जमुन किरण,कृष्णबहादुर बिष्ट, विद्या अनामिका तिवारी,बालकृष्ण श्रेष्ठ,राजीव सेढाई,ज्ञानुवाकर पौडेल  (गजल),त्रिपुरा पौडेल ,टी पी बराकोटी-असारे,अप्सरा पोख्रेल ,सञ्जय सोती,सृजन लम्साल,भावना नेउपाने लगायतले रचना प्रस्तुत गरेका थिए ।
कार्यक्रममा कार्यसमितिका सदस्य चिरञ्जीवी रेग्मीले सबैलाई हार्दिक धन्यवाद ज्ञापन गर्दै सभापतिको आज्ञानुसार सभा समापन भएको घोषणा गर्नुभएको थियो ।