महाकविको ११६ अौं जन्म जयन्ती मनायो कल्पतरूले
१५गते कार्तिक /महाकवि लक्ष्मीप्रसाद देवकोटाको ११६ अौं जन्म जयन्ती बुधबार कल्पतरू प्रज्ञा प्रतिष्ठान गोकर्णेश्वर न पा वडा नं ६ को आयोजनामा सम्पन्न गरियो ।
र्यालीसहित देवकोटा पार्कमा पुगेर देवकोाको प्रतिमामा माल्यार्पण गरेपछि नगर परिक्रमाका साथ गोकर्णेश्वर न पा वडा नं ६को सभाहलमा आएर सभामा परिणत भएको थियो।
कल्पतरूका अध्यक्ष नवराज पुडासैनीको अध्यक्षता र गोकर्णेश्वर न पा वडा नं ६ का वडा प्रमुख नवराज लामाको प्रमुख आतिथ्यमा कार्यक्रम सम्पन्न भएको हो।
कार्यक्रममा विदुला घिमिरेले देवकोटाको साहित्यिक विधागत व्यक्तित्व,कृतित्वबारे छोटकरीमा प्रकाश पार्नुभयो ।
विशेष आमन्त्रितहरूमा वसन्त रिजाल,नगेन्द्रराज शर्मा,गोविन्द घिमिरे वेदमणि,रामप्रसाद पन्त ,वाजुराम पौडेल ,विजय चालिसे,प्रह्लाद पोखरेल,शिवशंकर रिजाल (जोगिन्दर पानवाला) हुनुहुन्थ्यो ।
कल्पतरू प्रज्ञा प्रतिष्ठानका उपाध्यक्ष विमल अर्यालको स्वागत मन्तव्यपछि विद्यार्थीहरू अनिस चौंलागाई,रमिसा केसी र प्रेरणा बस्ताकोटीबाट देवकोटाका झ्याउरे लयका कविता वाचन गरियो ।
देविका तिमिल्सिनाबाट वसन्त रिजालको परिचयमा समाजसेवी,साहित्यसेवी व्यक्तित्वमाथि प्रकाश पार्नुभयो ।
वसन्त रिजाललाई रु २५ हजार नगदसहित पुरस्कृत सम्मानित हुनुभएको थियो भने शिवराम कार्कीबाट शिवशंकरप्रसाद रिजालको परिचय र व्यक्तित्वमाथि प्रकाश पार्नुभएपछि उहाँलाई सम्मान अर्पण गरियो ।
प्रमुख आमन्त्रित नवराज लामा र नगेन्द्रराज शर्माको गहन मन्तव्यपछि ,उहाँहरूलाई अध्यक्षबाट मायाको चिनो अर्पण गरियो ।चर्चित साहित्यकारहरू गोविन्द घिमिरे वेदमणि र विजय चालिसेले सभालाई लघु तर सारभूत सम्बोधन गर्नुभयो ।
अन्य उपस्थित स्रष्टाहरूमा लेखनाथ पुस्तकालय चन्द्रगढी झापाका अध्यक्ष कृष्ण सुवेदी निराकार,विराटनगर निवासी साहित्यकार गोकुल अधिकारी , खोलाघरे साहिंलो ,आलोक चालिसे,सुशील आचार्य ,शान्ति रिसाल, मेनका आचार्य,बी पी इलामे ,घनश्याम प्रसाईं,सुमन पुडासैनी ,पत्रकार जयराम विडारी,रमेश खनाल,मीना दाहाल रिजाल,उद्धव रायमाझी ,धन्वन्तरी मिश्र ,रामप्रसाद रिजाल,शिवप्रसाद पुडासैनी, मुकुन्द अर्याल,रमेशकुमार श्रेष्ठ आदि र विभिन्न विद्यालयका विद्यार्थीहरूसमेत सयभन्दा बढीको उपस्थिति रहेको थियो । अध्यक्ष नवराज पुडासैनीले सधन्यवाद सभा समापनको घोषणा गर्नुभएको थियो ।
कार्यक्रमका संयोजक विमल अर्याल हुनुहुन्थ्यो भने प्रतिष्ठानका सदस्य सचिव राजन पुडासैनीको सहजीकरणमा कार्यक्रम अघि बढेको थियो ।
