क्याफेमा कविता’को ९औं श्रृंखला सम्पन्न
१५ कार्तिक झापा /क्याफेमा कविता ९ औं श्रृङखला छन्द विशेष कविता वाचन सम्पन्न गरेको छ ।
नेपाल बिटले प्रत्येक शनिबार आयोजना गर्दै आइरहेको यो कार्यक्रम भने इटहरी स्थित सुष्मा कलेजको सभाहलमा सम्पन्न गरेको हो।
क्याफेमा कविता कार्यक्रममा झापा,मोरङ,
सुनसरी लगायतका ८ जना कविहरुले छन्द कविताहरु प्रस्तुत गरेका थिए ।
कार्यक्रममा प्रमुख अतिथि कवि मोहन भण्डारीले साहित्यले समाजमा चेतना र सकारात्मक सोच फैलाउने हुँदा यस्ता सृजनात्मक कार्यक्रमले युवाहरूलाई साहित्यप्रति आकर्षित गर्ने विश्वास व्यक्त गरे । 
नेपाल बिट मिडिया प्रालिका अध्यक्ष रामप्रसाद खरेलले कविता र काव्यको क्षेत्रको विकास गर्ने,यस क्षेत्रमा भएका, लुकेर बसेका, आफ्नो क्षेत्रमा प्रतिष्ठित भई सकेका सम्पूर्ण कविहरुको कवितालाई सुन्ने सुनाउने, नेपाली काब्य जगतमा योगदान पुग्न सकोस् भन्ने उदेश्यका साथ नेपाल बिटले क्याफेमा कविताको श्रृंखला शुरु गरिएको बताए ।
छन्द विशेष कार्यक्रममा नेपाली कविताको परम्परागत सौन्दर्यलाई संरक्षण गर्दै आधुनिक दृष्टिकोण सहितका रचना प्रस्तुत गरिएका थिए । कार्यक्रमले युवा पुस्तामा साहित्यप्रतिको लगाव अझ बढाएको सहभागीहरूको भनाइ थियो ।
