झापाली साहित्य समाजले सप्तरङ्गी कार्यक्रम गर्ने
झापाली साहित्य समाजले सप्तरङ्गी कार्यक्रम गर्ने
९ गते कार्तिक /साहित्य र संस्कृतिका क्षेत्रमा कृयाशील झापाली साहित्य समाजले सप्तरङ्गी कार्यक्रम गर्ने भएको छ । झापाको बिर्तामोडमा फरक शैलीमा आयोजना हुँदै आएको कार्यक्रम “सप्तरङ्गी”को पाँचौं शृङ्खला कार्तिक १४ गते बुधबार हुने अध्यक्ष हरि बरालले जानकारी दिए ।
झापाली साहित्य समाजले साहित्यका ७ विधाका ७ जना स्रष्टालाई समेटेर हरेक वर्ष कार्यक्रम गर्दै आएको छ ।दीपावली तथा छैठको अवसर पारेर २०७५ सालबाट हरेक वर्ष आयोजना हुँदै आएको छ । २०७१ सालमा स्थापना भएको समाजले साहित्यको माध्यमबाट समाजलाई सकारात्मक बाटोमा डोर्याउन र संस्कृतिको विकास गर्ने उदेश्य रहेको अध्यक्ष बरालले बताए ।
साई पार्टी प्यालेस भद्रपुर रोड बिर्तामोडमा आयोजना गरिने कार्यक्रममा सप्तरङ्गीको पाँचौं शृङ्खलामा कवितातर्फ कवि राजेश ढुङ्गाना र नमुना निरौला,हाँस्यव्यङ्ग्यतर्फ पिनाकी कोइराला ,गजलतर्फ हेमन्ता भण्डारी र शिव सुवेदी ,मुक्तकतर्फ पुष्पा प्रकृति चौलागाईं र केस्रातर्फ दिलिप राई सगर रहने आयोजक समितिले जनाएको छ ।
