गुन्जन पुरस्कार लेकालीलाई प्रदान

  २०८१ कार्तिक ४,काठमाडौं ।
 गुञ्जन (नारी साहित्यिक संस्था)ले आज साहित्यकार राधेश्याम लेकालीलाई "गुन्जन साहित्य पुरस्कार २०८०"बाट सम्मान गरेको छ । लामो समय देखि नेपाली साहित्यका क्षेत्रमा संलग्न नेपाली साहित्यिक पत्रकार महासंघका अध्यक्ष लेकालीलाई आज काठमाडौँमा एक कार्यक्रमको आयोजना गरी सम्मान गरेको हो । 
 

"गुन्जन"की अध्यक्ष साहित्यकार जलेश्वरी श्रेष्ठको सभापतित्वमा आयोजित सो कार्यक्रममा प्रमुख अतिथि साहित्यकार एल.बी क्षेत्री, वरिष्ठ कवि द्वारिका श्रेष्ठ र वरिष्ठ सर्जक नरेन्द्रबहादुर श्रेष्ठले नगद दस हजार राशीसहित सो सम्मान प्रदान गर्नु भएको हो । 
 
प्रमुख अतिथि साहित्यकार एल.बी क्षेत्रीले "नारीवाद" विषयमा आफ्नो धारणा राख्नु भएको सो कार्यक्रमलाई संस्थाकी महासचिव सुस्मिता नेपालले सञ्चालन गर्नु भएको थियो भने कार्यक्रममा साहित्यकारहरुको बाक्लो उपस्थिति रहेको थियो ।