चुलाचुलीमा कृति चर्चा तथा शुभकामना आदानप्रदान कार्यक्रम सम्पन्न
चुलाचुलीमा कृति चर्चा तथा शुभकामना आदानप्रदान कार्यक्रम सम्पन्न
१८असोज /चुलाचुली भाषा साहित्य संस्कृति तथा पर्यटन समन्वय समितिको आयोजनामा कृति परिचर्चा तथा शुभकामना आदानप्रदान कार्यक्रम सम्पन्न गरिएको छ।
कार्यक्रममा दशै,तिहार, छठ,चासोक तङ्नाम लगायत पर्वहरूको शुभकामना आदानप्रदान तथा रचना वाचन गरिएको थियो ।
संस्थाका अध्यक्ष साहित्यकार विवश बलिभद्र कोइरालाको अध्यक्षता तथा चुलाचुली गाउँपालिका अध्यक्ष राजेन्द्र केरुङको प्रमुख आतिथ्यतामा कार्यक्रम भएको थियो ।
कार्यक्रममा चुलाचुली गापा उपाध्यक्ष दिलकुमारी लावती र कृतिकार जीवनहरि शर्माको विशेष आतिथ्यमा भएको कार्यक्रममा संस्थाका उपाध्यक्ष कवि सुन्दर कुरुपले कविता सहित स्वागत मन्तव्य राखेका थिए।
चुलाचुलीलाई भाषा,साहित्य ,कला,संस्कृति र पर्यटनको माध्यमबाट हामी चिनाउन चाहन्छौं ।भौतिक विकाससँगसँगै चेतनाको पनि विकास होस् तब देश बन्छ। स्थानीय सरकारको तर्फबाट यस आर्थिक बर्षमा पाँच लाख रुपैयाँ यस समितिलाई विनियोजन गरिएको गापा अध्यक्ष केरुङले बताए ।
लेखक शर्माको सातौं कृति हो सप्तसरोवर काव्य ।यसमा नयाँ संरचनामा आधारित इलामका ४९ गाउँ,१० पालिका,८१ वडा सम्पूर्ण जनप्रतिनिधि,जातजाति,धर्म सम्प्रदाय,कविकलाकार,शैक्षिक अभियन्ता,खेतीबाली,नदनदी, चुली थुम्का,झरना,छाँगा,ताल,पोखरी,गुफा,ओढार, धार्मिक,शैक्षिक,जनस्वास्थ्य स्थलहरू तथा यहाँका तमाम प्राकृतिक सम्पदालाई समेटिएको ९४ शीर्षक र २१ छन्दमा संरचित तथ्याङ्कमा आधारित यो कृति रहेको छ।
कार्यक्रममा काव्य कृतिको विषयमा समीक्षात्मक टिप्पणी गर्दै वक्ताहरूले यो कृति इलामको ऐतिहासिक खोजमुलक रहेको हुँदा पठनीय कृति बनेको बताए ।
कार्यक्रममा चुलाचुली गापा उपाध्यक्ष दिलकुमारी लावती चुलाचुली गापा-१ का वडा अध्यक्ष पूर्ण लावती ,चुलाचुली-५का वडा अध्यक्ष बविन राई र पुस्तक प्रकाशक प्रेमप्रकाश पोख्रेलले शुभकामना मन्तव्य व्यक्त गरेका थिए।
उपस्थित कवि तथा स्रष्टाहरुले आ-आफ्ना रचना वाचन गरेका थिए। कार्यक्रमको सञ्चालन सचिव रुद्र प्रभातले गरेका थिए ।
