पत्रकार तथा साहित्यकार दिपेन्द्र तिम्सिनाको निधन

झापा, फागुन २० । पथरी शनिश्चरे, मोरङका पत्रकार तथा साहित्यकार दिपेन्द्र तिम्सिनाको निधन भएको खबर छ । काठमाडौं गएको समयमा प्रेसरले हानेर अस्पताल भर्ना भएका तिम्सिनाको टाउकोमा रगत जमेको थियो । उपचारका लागि केएमसी हस्पिटलमा भर्ना भएका तिम्सिनाको उपचारको क्रममा निधन भएको जानकारी छ । खोज अनुसन्धान सहितका लेख लेख्ने तथा कृति प्रकाशित गर्न रुचाउने तिम्सिनाको भुटानी शरणार्थीसँग सम्बन्धित तथा अन्य विषयका सहित १४/१५ वटा कृति प्रकाशित छन् । पत्रकार तथा साहित्यकार भूपेन्द्र तिम्सिनाका भाइ स्व.दिपेन्द्र तिम्सिना सामाजिक अभियन्ता समेत थिए ।