विराटनगरमा कवि शिरोमणि जयन्ती तथा स्रष्टा समाजको स्थापना दिवस मनाइयो
झापा पुस १५ गते/विराटनगरमा छन्द वाटिका नेपाल र स्रष्टा समाज कोशी प्रदेशको संयुक्त आयोजनामा कवि शिरोमणि लेखनाथ पौड्यालको १४१ औँ जन्म जयन्ती मनाइएको छ।
नेपाल स्रष्टा समाजको १९औँ स्थापना दिवसका रूपमा मनाइएको कार्यक्रमका प्रमुख अतिथि वरिष्ठ समालोचक प्रा.डा. हरिहर भण्डारीले लेखनाथ पौड्यालका सिर्जनाहरूले नेपाली साहित्यलाई परिष्कृत र मर्यादित बनाउन ठुलो योगदान पुर्याएको बताए ।
वक्ताहरूले पौड्याललाई नेपाली साहित्यको परिष्कारवादी धाराका अग्रणी कविका रूपमा स्मरण गर्दै उनका काव्यिक विशेषताहरूको चर्चा गरेका थिए ।
गरेका थिए ।
छन्द वाटिका नेपालले विगतदेखि नै भानुभक्त आचार्य, मोतीराम भट्ट,लक्ष्मीप्रसाद देवकोटा र लेखनाथ पौड्यालजस्ता ऐतिहासिक साहित्यकारहरूको जन्म जयन्तीका अवसरमा विशेष कार्यक्रमहरू आयोजना गर्दै आएको छ । यस वर्ष पनि पुस शुक्ल एकादशीको अवसर पारेर यो कार्यक्रम आयोजना गरिएको हो ।
वि.सं. १९४१ साल पुस शुक्ल एकादशीका दिन कास्कीको अर्घौं अर्चलेमा जन्मिएका पौड्याल शास्त्रीय छन्दका सिद्धहस्त कवि हुन्।
