विचार गोष्ठी तथा वृहत् कविता वाचन कार्यक्रममा सम्पन्न
पारिजात स्मृति केन्द्र तथा देवकोटा लुस्यून प्रज्ञा प्रतिष्ठानको आयोजन तथा प्रलेस, झापाको सहआयोजनमा गोष्ठी सम्पन्न गरिएको छ।
सोमबार बिर्तामोडको होटल हिकोला हेरीटेजमा “पारिजातका संस्मरणमा पाइने जीवनमूल्य” विषयक विचार गोष्ठी तथा कविता वाचन कार्यक्रममा सम्पन्न गरिएको हो।
कार्यक्रम आख्यानकार पुण्यप्रसाद खरेलको प्रमुख आतिथ्यमा भएको थियोे । “पारिजातका संस्मरणमा पाइने जीवनमूल्य” विषयमा प्रसिद्ध समालोचक डि आर पोखरेलले कार्यपत्र प्रस्तुत गर्नुभएको थियो । प्रस्तुत कार्यपत्रउपर डा. सृजना शर्मा उप्रेती तथा लीलाप्रसाद अधिकारीले टिप्पणी गर्नुभएको थियो ।
देवकोटा लुस्यून प्रज्ञा प्रतिष्ठानका अध्यक्ष सुनील पौड्यालको अध्यक्षतामा भएको कार्यक्रममा देवकोटा लुस्यून प्रज्ञा प्रतिष्ठानका उपाध्यक्ष मातृका पोखरेल, महासचिव सीता शर्मा, कोषाध्यक्ष कृष्ण प्रसाईं, सदस्य डा.सृजना शर्मा उप्रेती, प्रलेस केन्द्रीय सदस्य राजेन्द्र सङ्ग्रौला, नेपाल प्रज्ञा प्रतिष्ठानका प्राज्ञसभा सदस्य मुनाराज सेर्मा, पूर्व प्राज्ञसभासदस्य सुभद्रा भट्टराई, प्रलेस झापा अध्यक्ष लीलाप्रसाद अधिकारी, साहित्य चैतारी विर्तामोडका संस्थापक देवीभक्त श्रेष्ठलाई आतिथ्य गराएर कार्यक्रमको थलनी भएको थियो ।
कार्यक्रममा कविहरु लता खरेल, साङ्सेन पन्धाक, भगवती ढुङ्गेल, हेमनाथ अधिकारी, मुनाराज सेर्मा, चित्रा पौडेल, उपेन्द्र आचार्य, लक्ष्मी अच्युत ढुङ्गाना, खिलप्रसाद सिवाकोटी, स्वर्णिम सगुन, दिलकुमारी बुढाथोकी, जय भण्डारी, हरिनारायण भट्टराई, वीरेन्द्र खड्का, टीका चापागाईं, डिल्लीराम परदेशी, सीता शर्मा, कृष्ण प्रसाईं, लीला अनमोल आदिले कविता वाचन गर्नुभएको कार्यक्रममा सुभद्रा भट्टराई, देवीभक्त श्रेष्ठ, राजेन्द्र सङ्ग्रौला, तथा प्रमुख अतिथि खरेलले मन्तव्य राख्नुभएको कार्यक्रमको अन्त्यमा अध्यक्ष सुनील पौड्यालले सबैलाई धन्यवाद दिँदै आफ्नो भनाइ राखेर कार्यक्रम समापन गर्नुभएको थियो ।
देवकोटा लुस्यून प्रज्ञा प्रतिष्ठानका सदस्य सृजना शर्माले छरितो रुपमा संचालन गर्नुभएको कार्यक्रममा प्रलेस झापाका उपाध्यक्ष तारा राईले स्वागत गर्नुभएको थियो भने कार्यक्रमको औचित्य बारेमा देवकोटा लुस्यून प्रज्ञा प्रतिष्ठानका उपाध्यक्ष मातृका पोखरेलले प्रकाश पार्नुभएको थियो ।
