पूर्वमन्त्रीदेखि चिकित्सकसम्मले सुनाए कविता

झापा / नेपालमण्डल लिट्रेचर कल्चर ट्रस्टले आयोजना गरेको कविता वाचन कार्यक्रममा पूर्वमन्त्रीदेखि चिकित्सकसम्मले शुक्रबार कविता वाचन गरेका छन् । 

राजनीति, चिकित्सा, भाषा र साहित्यका व्यक्तित्वहरू एकै मञ्चमा उभिएर कविता सुनाउने दुर्लभ दृश्य काठमाडौँमा देखिएको छ। ‘नेपालमण्डल लिट्रेचर कल्चर ट्रष्ट’ ले आयोजना गरेको साहित्यिक कार्यक्रममा पूर्वमन्त्रीदेखि चिकित्सक र भाषा आयोगका सदस्यसम्मले कविता वाचन गर्दै बहुपेशागत सर्जनात्मक एकता प्रस्तुत गरेका छन्। 

पूर्वमन्त्री डा. अजयक्रान्ति शाक्य, वरिष्ठ मुटुरोग विशेषज्ञ डा. स्मृति शाक्य, भाषा आयोगका सदस्य सुरेश किरण मानन्धर, चर्चित कवि रजनी मिलालगायत करीब आधा दर्जन कविले कविता वाचन गरेका हुन् ।
ट्रष्टले आफ्नो पाँचौं वार्षिक साधारण सभाको अवसर पारेर कविता वाचन कार्यक्रमको आयोजना गरेको हो ।
२०७७ सालमा स्थापना भएको उक्त ट्रष्टले
नेपालमण्डलको सभ्यता, कला र वाङ्मयको संरक्षण तथा संवर्द्धनमा टेवा पुर्‍याउँदै आएको छ। कार्यक्रममा पूर्वमन्त्री शाक्यले‘अस्तित्वको खोजी’ र ‘प्रेमको दस्तावेज’ शीर्षकका दुई कविता वाचन गरिन् ।

भाषा आयोगका सदस्य सुरेश किरण मानन्धरले ‘देश आज एउटा पासपोर्ट खोजिरहेको छ’ शीर्षकको कविता वाचन गरे । त्यस्तै वरिष्ठ मुटुरोग विशेषज्ञ डाक्टर स्मृति शाक्यले ‘अनित्यताको वोध’ शीर्षकको कविता वाचन गरिन् ।
कार्यक्रममा अञ्जना ताम्राकारले ‘सहिदकी आमाको पुकार’ र रजनी मिलाले ‘एउटा रोमाञ्चक पत्र’ सँगै ‘अस्मिता’ शीर्षकको कविता वाचन गरे ।

त्यसैगरी वागमती भाईले ‘हुन्छ’ शीर्षकको कविता वाचन गरे भने दीपेन्द्र श्रेष्ठले ‘बाल्यकाल र म’ शीर्षकको कविता वाचन गरेका थिए ।
ट्रष्टका अध्यक्ष सन्ध्या बज्राचार्यले ‘सकारात्मक सन्देश’ र सञ्जित महर्जनले ‘प्रिय’ कविता सुनाए ।