प्रलेस कोशी प्रदेशको अध्यक्षमा मुकदर्शक
प्रगतिशील लेखक सङ्घ नेपाल तेस्रो कोशी प्रदेश सम्मेलन शनिबार नयाँ नेतृत्व चयन गरि सम्पन्न गरिएको छ ।
प्रलेस केन्द्रीय अध्यक्ष नमुना शर्माको प्रमुख आतिथ्यमा सुकुना बहुमुखी क्याम्पस, सुन्दरहरैँचाको सभाकक्षमा सो सम्मेलन सम्पन्न भएको हो ।
सम्मेलनले साहित्यकार बिन्दु दाहाल मुकदर्शकलाई सर्वसम्मत अध्यक्ष पदमा निर्वाचित गरेको हो।दमक निवासी दाहाल प्रलेस कोशी प्रदेश समितिका भूतपूर्व कोषाध्यक्ष र प्रलेस झापाका निवर्तमान सचिवको जिम्मेवारी बहन गरिसकेका अनुभवी व्यक्ति हुन्।
सम्मेलनबाट निर्वाचित पदाधिकारी उपाध्यक्ष - दिनेश थापा बेगारी,उपाध्यक्ष - शान्ति पाख्रीन,
सचिव - रविन कोर्काली,सहसचिव - कमलप्रसाद भट्टराई कोषाध्यक्ष - डिल्लीराम परदेशी सर्वसम्मतिले चयन गरेको छ ।
तिला लेकालीकाे अध्यक्षतामा भएकाे साे कार्यक्रममा प्रलेसका केन्द्रीय महासचिव साहित्यकार डा देवी दुलाल क्षेत्री र उपन्यास ज्ञानु बुढाथोकीलाई सम्मान गरिएको थियोे ।
क्यान्सरको चौथो चरणको आक्रमणसँग सङ्घर्षरत झापाका स्रष्टा ज्ञानु बुढाथोकीजस्ता हिम्मतिलो लेखकले पूर्वी पहाडी जनजीवनको रसिलो चित्रण गरेकाले उपन्यास ‘याङरूप’ पठनयोग्य भएको स्रष्टा खगिन्द्रा खुसीले बताइन् ।
प्रलेस काेशी प्रदेशका उपाध्यक्ष दिनेश थापाकाे स्वागत मन्तव्य र सह सचिव कविता केशरीकाे स्वागत गीतबाट शुरु भएकाे साे कार्यक्रममा प्रलेस केन्द्रीय सदस्यहरु राजेन्द्र सङ्ग्राैला, बाेधकुमार घिमिरे, प्राज्ञ प्रा डा खेमराज खनाल, साहित्यकार ईरान राई, प्रलेस राष्ट्रिय परिषद सदस्य केशु कार्की, जन सांस्कृतिक महासङ्घ काेशी प्रदेश अध्यक्ष जि बि थुलुङ्ग,साहित्यकार विवश बलिभद्र कोईराला ,कवि अभागी थेगुवा,गीतकार टीका भट्टराई नेपाल ,गीता नेपाल ,भरत गुरागाई बर्बरिक, प्रलेस पूर्व के स हेमनाथ अधिकारी, पूर्व प्रतिनिधिसभा सदस्य तथा स्रष्टा हर्कमान तामाङ सहभागी हुनुहुन्थ्याे ।
कार्यक्रम सञ्चालन सचिव राजेन्द्र सर्वहाराले गरेका थिए ।
