पालिका स्तरीय कविता लेखन तथा वाचन प्रतियोगिता सम्पन्न
१८मङ्सिर /फक्ताङ्लुङ बाल क्लवको आयोजनामा कन्काई नगरपालिकाका स्तरीय कविता लेखन तथा वाचन कार्यक्रम सम्पन्न गरिएको छ।
दुर्गापुर झापा स्थित फक्ताङ्लुङ विद्यालयको प्राङ्गणमा कनकाई नगरका ११विद्यालयमा अध्ययनरत १९जना प्रतियोगि विद्यार्थीहरूले सहभागीता जनाएका थिए।
कार्यक्रममा बाल क्लवकी अध्यक्ष शिखा सिनच्युरीको अध्यक्षतामा भएको थियो भने कन्काई नगरपालिका वडा नम्बर ७ का वडा अध्यक्ष भीष्मभूषण सिटौलाको प्रमुख आतिथ्य रहेको थियोे ।
प्रतियोगितामा कवि नरेन्द्रकुमार नगरकोटी र साहित्यकार विवश बलिभद्र कोईराला निर्णायक रहेका थिए ।प्रतियोगि विद्यार्थीहरुलाई गोलाप्रथाद्वारा निर्णायकले अलग अलग उन्नाईस शीर्षकमा तत्काल कविता लेखेर प्रस्तुत गरेका थिए।
यो प्रतियोगिताबाट क्रमशःपशुपति अंग्रेजी माविका ओसन कार्की `हिमाल´ शिर्षकको कविता प्रथम,ग्लोबल एजुकेसनकी मनिषा पुरी `पुतली´शिर्षकको कविता द्वितीय,प्यारागन एकाडेमीकी लिजा सिग्देल `नदि´ शिर्षकको कविता तृतीय भएका छन्।
त्यस्तै भृकुटी माविकी समीक्षा लम्जेलको `वातावरण´ शिर्षकको कविता र हिमाली एकेडेमीकी सवृद्धि न्यौपानेको `गाउँ´शिर्षकको कविता सान्त्वना स्थान ल्याएर पुरस्कार प्राप्त गरेका छन्। कार्यक्रममा पुरस्कृत विद्यार्थीहरूलाई कार्यक्रमका प्रमुख अतिथि ,विशेष अतिथिको हातबाट पुरस्कार तथा प्रमाणपत्र प्रदान गरिएको थियोे ।
सानासाना हात र दिमागले ठूलाठूला काम, कुरा र सपनासँग प्रस्तुत हुँदा कार्यक्रम नै कस्तो सुन्दर र लोभलाग्दो देखिएको,सबै भविष्यका कवि,आविष्कारक र चेतनाका उज्याला अनुहारसँग साक्षत्कार गर्न पाएको बताउछन् साहित्यकार विवश बलिभद्र कोईराला। 
