क्याफेमा कविता शृङ्खला - ७ कार्यक्रम सम्पन्न

नेपालबिट मिडिया प्रा.लि. ले सञ्चालन गर्दै आएको क्याफेमा कविताको ७औं शृङ्खला आज असोज - ११ गते शनिबार माइतीघर क्याफे इटहरीमा सम्पन्न भएको छ। 

यो शृङ्खलामा कवि करुणा राई  र  सुविद गुरागाईँका कविताहरू प्रस्तुत गरिएको थियो। कविहरूले चार/चार ओटा  कविता वाचन गर्नुभएको थियो। 

गीतकार तथा गजलकार किरण टी लिम्बूको अध्यक्षतामा भएको कार्यक्रमको प्रमुख अतिथि साहित्यकार कृष्ण अधिकारी रहनुभएको थियो। कार्यक्रमको सञ्चालन नेपालबिटका अध्यक्ष रामप्रसाद खरेलले गर्नुभएको थियो। 

हरेक शनिवार सञ्चालन हुँदै आएको क्याफेमा कविताको ७औं शृङ्खलामा विभिन्न क्षेत्रका कवि, लेखक तथा प्राध्यापकहरूको विशेष उपस्थिति रहेको थियो।