कवि तारा खत्री रोकायको दोस्रो कृति´जितको उज्यालो´कविता कृति लोकार्पण

झापा ९ फागुन /कवि तारा खत्री रोकायको जन्मदिनको अवसरमा दोस्रो कृति´जितको उज्यालो´कविता कृति बिहीबार काठमाडौंमा लोकार्पण गरिएको छ।
नेपाल प्रज्ञा प्रतिष्ठानका कुलपति भुपाल राई,प्राज्ञ बाबा बस्नेत,निबन्धकार युवराज नयाँघरे,कवि सन्ध्या पहाडी, समालोचक डा. हेम भण्डारी,कृतिकार तारा खत्री,बम बानिया लगायतले कृतिको लोकार्पण गरेका थिए ।

समीक्षक डा. हेम भण्डारीले ताराका कवितामा वर्गीय चेतको गहकिलो उपस्थिति रहेको धारणा राख्नु भएका थिए।लोकार्पण कार्यक्रममा साहित्यकार,बुद्धिजीवी, सञ्चारकर्मी तथा विभिन्न क्षेत्रका व्यक्तित्वहरूको उल्लेख्य उपस्थिति रहेको थियो। कार्यक्रममा वक्ताहरूले कवि रोकायाको सिर्जनात्मक यात्राको प्रशंसा गर्दै कृतिमा जीवनका सङ्घर्ष,आशा र सफलताको उज्यालो पक्षलाई प्रभावकारी ढङ्गले प्रस्तुत गरिएको बताएका थिए।

कुलपति राईले कविताको सिर्जनात्मक गति सधैं उच्च हुने हुनाले कवि तारालाई सचेत भएर काव्यकर्ममा लाग्न सुझाब दिएका थिए।कवि रोकायाले कृतिमा समेटिएका कविताहरूले समाजका विविध अनुभव,संवेदना र जीवन संघर्षका कथाहरू उजागर गर्ने बताउँदै पाठकको साथ र समर्थनप्रति आभार व्यक्त गरिन्।
रोकायको पहिलो कृति शुक्लाम्भरा पाठक माझ लोकप्रिय भएको छ ।
रावासावा प्राज्ञिक समाजले आयोजना गरेको उक्त समारोहमा उल्लेख्य संख्यामा कवि- लेखकहरूको उपस्थिति थियो।कार्यक्रमको सञ्चालन कवि चन्द्र रानाहाँछोले गरेका थिए ।