काफ्लेको ‘फिरादपत्र’ कथा सङ्ग्रहमाथि विमर्श
सुन्दरहरैँचा कला साहित्य विकास समितिले कथाकार मोहनप्रसाद काफ्लेको कथासङ्ग्रह ‘फिरादपत्र’ को विमर्श गरेको छ।
सुन्दरहरैँचा कला साहित्य विकास समितिका अध्यक्ष डा. दीपकप्रसाद न्यौपानेको अध्यक्षता अनि सुकुना बहुमुखी क्याम्पसका प्रमुख अर्जुनराज अधिकारीको प्रमुख आतिथ्यमा कार्यक्रम सम्पन्न भएको थियो । 
काफ्लेका यसअघि नै ‘एकबित्ते पुस्तिका मन्दिरको ढोकाबाट फर्किएको म’ (२०४२) र ‘अझै एक फन्को घुम्न बाँकी छ’ (२०५८) दुई कृति प्रकाशित छन्।
प्राज्ञिक व्यक्तित्व भाषाविद् मेदिनीप्रसाद बराल प्रमुख सुकुना क्याम्पसका पूर्व क्याम्पसद्वय प्रेमप्रसाद भट्टराई र चन्द्रमणि राई, भाषाविद् अमृतप्रसाद आचार्य, सुन्दरहरैँचा कला साहित्य विकास समितिका निवर्तमान अध्यक्ष डा. छवि वैरागी घिमिरे, कोसी साहित्य–कला परिषद् नेपालका अध्यक्ष केशु विरही, विराट साहित्य समाजका अध्यक्ष विदुर सुवेदी, बेलबारी साहित्य विकास समितिका अध्यक्ष रमेश निरौला, झोराहाट नाट्य समूहका अध्यक्ष भरत बर्बरिक, बेलबारी प्रज्ञाप्रतिष्ठानका अध्यक्ष रेखा सुवेदी, स्रष्टा समाजका अध्यक्ष जेबी थुलुङ, भानु साझा पुस्तकालयका अध्यक्ष पुनर याक्खा लगायतको उपस्थिति रहेको थियो।
कार्यक्रममा उपस्थित पाहुनालाई यमुना पराजुली विष्टले शब्दले स्वागत गरेकी थिइन्। कार्यक्रमको सञ्चालन भने सचिव गीताप्रसाद श्रेष्ठको रहेको थियो।
