विराट साहित्य सङ्गमको २३२ ओैं श्रृङखला सम्पन्न

मंसिर २७, झापा । विराट साहित्य सङ्गम विराटनगरको २३२ ओैं श्रृङखला सम्पन्न भएको छ । मासिक रुपमा सम्पन्न हुँदै आएको सो कार्यक्रममा ४० जना भन्दा बढी स्रष्टाहरुले रचना वाचन गरेका थिए । रचना वाचन गर्नेहरुमध्येबाट गोला प्रथाद्वारा स्रष्टा प्रयाग न्यौपानेलाई सम्मान गरिएको छ । सङ्गमको यसरी नै उपस्थित कवि साहित्यकारहरू मध्येबाट रचना वाचन गरे बापत प्रत्येक श्रृङखलामा एक जना स्रष्टालाई नगद १०००/- सहित माया चिनोले गोला प्रथाद्वारा सम्मान गर्ने प्रचलन छ ।  बरिस्ठ गजलकार मघु पोखरेलको अध्यक्षता र नरेन्द्र चापागाईं प्रतिष्ठानकी संरक्षक सरला चापागाईंको प्रमुख आथित्यमा राष्ट्रसेवक बचत तथा ऋण सहकारी संस्थाको सभा हल, विराटनगरमा सम्पन्न सो कार्यक्रममा विराटनगरका स्रष्टाहरुको बाक्लो उपस्थिति रहेको थियो