विराट साहित्य सङ्गमबाट तीन स्रष्टा सम्मानित

झापा, पौष १० ।  विराट साहित्य सङ्गम, विराटनगरले तीनजना स्रष्टालाई सम्मानित तथा पुरस्कृत गर्ने भएको छ । सङ्गम  कार्यसमितिको २०८२-०९-१०गते बसेको बैठकले सो निर्णय गरेको हो ।

स्रष्टाहरु गोबिन्द चापागाई तथा कविता चापागाईले स्थापना गर्नुभएको यमुनादेवी-बैजनाथ भट्टराई स्मृति साहित्य पुरस्कार नुवाकोट निवासी साहित्यकार दिनेश पाण्डेलाई, रामबाबु दाहालले आफ्नी आमाको स्मृतिमा स्थापना गर्नुभएको पुरस्कार राधादेवी दाहाल स्मृति साहित्य पुरस्कार संगीतसाधक, स्वर सङ्गम सङ्गीतालयकी प्रशिक्षक महिमा शर्मा पाण्डेलाई तथा विराट साहित्य सङ्गम प्रतिभा पुरस्कार साहित्यकार भूपाल अधिकारीलाई प्रदान गर्ने निर्णय गरिएको छ । यी सबै पुरस्कारको राशि सात सात हजार रहेको कुराको जानकारी सङ्गमका अध्यक्ष मधु पोख्रेलले जानकारी गराउनु भएको छ ।