दमक प्रज्ञा प्रतिष्ठान प्राडा.गोपाल भण्डारीको अध्यक्षतामा गठन
झापा २० माघ/दमक नगरपालिकामा प्रज्ञा प्रतिष्ठान परिषद् गठन गरिएको छ।
दमक नगरपालिकाको दमक प्रज्ञा–प्रतिष्ठान ऐन २०७७ को दफा ७ बमोजिम परिषद् गठन गरिएको हो। गठन भएको परिषद्को अध्यक्षमा डा.गोपाल भण्डारी र उपाध्यक्षमा डा. अञ्जना शर्मा भट्टराई चयन हुनुभएको छ। यस्तै सचिवको जिम्मेवारी जयबहादुर श्रेष्ठलाई दिइएको छ। कार्यसमिति सदस्यहरूमा विन्दु दाहाल `मुकदर्शक´,कमला खनाल, धनकुटा–कान्छा,धनञ्जय बाँस्कोटा, राधिका ओझा र भूमिप्रसाद दाहाल रहनुभएको छ।
दमक नगरपालिकाले साहित्य,कला, भाषा र संस्कृतिको संरक्षण तथा प्रवर्द्धन गर्ने उद्देश्यसहित प्रज्ञा प्रतिष्ठान परिषद् गठन गरिएको जनाएको छ।
