स्रष्टा रामविनय हृदयचन्द्र स्मृति सम्मानबाट सम्मानित हुने

झापा, माघ २० । स्रष्टा रामविनय (रामकुमार श्रेष्ठ) यस वर्षको “हृदयचन्द्र स्मृति सम्मान ”बाट सम्मानित हुने भएका छन् । साहित्य सदन नेपालले प्रत्येक बर्ष प्रदान गर्दै आइरहेको सो सम्मानको राशि पचास हजार रुपैयाँ रहेको छ । नगद राशि, दोसल्ला र सम्मान पत्रसहित राम विनयलाई आगामि फागुन ४ गते हृदयचन्द्र स्मृति दिवसका अवसरमा प्रदान गरिनेछ । साहित्य सदन नेपालका सचिव प्रह्लाद पोखरेल हस्ताक्षरित विज्ञप्तिबाट सो सम्मानको जानकारी प्राप्त भएको हो । सम्मानका लागि छनौट गरिएका रामविनय उमेरले ८२ वर्ष पूरा गरिसकेका प्रतिभा हुन् र उनका कविता, कथा, ललीत निबन्ध, नियात्रा, संस्मरण र आत्मकथा विधाहरूमा एक दर्जन बढी कृतिहरू प्रकाशित छन् ।