स्रष्टा मधु गुरुङको उपन्यास `जीवनको गीत´माथि विमर्श

झापा, पौष २८ गते । चितवनमा स्रष्टा मधु गुरुङको उपन्यास जीवनको गीतमाथि विमर्श गरिएको छ । प्रगतिशील लेखक सङ्घ चितवनको आयोजनामा मोरङकी स्रष्टा मधुको उपन्यासमाथि विमर्श कार्यक्रम सम्पन्न गरिएको हो । 

नारायणी नमुना मा. वि. भरतपुर चितवनको सभाहलमा सम्पन्न सो कार्यक्रममा प्रगतिशील लेखक सङ्घ चितवनका अध्यक्ष उषा तिवारी (विष्णुदेवी तिवारी उषाको)को अध्यक्षता रहेको थियो भने प्रमुख अतिथि भरतपुर महानगर प्रज्ञा प्रतिष्ठानका अध्यक्ष वरिष्ठ साहित्यकार इन्द्रप्रसाद रेग्मी हुनुहुन्थ्यो ।

“हाम्रो समाज पितृसत्तात्मक समाज हो । यहाँ महिलालाई दबाउनैपर्छ भन्ने मान्यता छ जुन उपन्यासमा सशक्त रुपमा उठाइएको छ । उपन्यासको बलियो पक्ष भनेकै यही हो ।”उहाँले भन्नुभयो ।

यस्तै आख्यानकार आकाश पौडेलले जीवनको गीत उपन्यासमा प्रस्तुत गरिएका पुरुष  पात्रहरूको प्रस्तुति कमजोर भएको  टिप्पणी गर्नुभयो ।