प्रलेसद्वारा चारजना स्रष्टा सम्मानित

पौष ६,झापा । काठमाडौंमा सम्पन्न एक कार्यक्रममा चारजना स्रष्टा सम्मानित भएका छन् । प्रगतिशील लेखक सङ्घले पौष ५ गते काठमाडौंमा आयोजना गरेको कार्यक्रममा श्यामप्रसाद स्मृति पुरस्कारबाट ईश्वरचन्द्र ज्ञवाली, प्रलेस युवा पुरस्कारबाट रूपक अलङ्कार, प्रलेस प्रतिभा पुरस्कारबाट अनिल शर्मा तथा प्रलेस बालसाहित्य पुरस्कारबाट सुशीला प्रधानाङ्ग पुरस्कृत भएका हुन् ।

कार्यक्रमका प्रमुख अतिथि पन्तले प्रगतिशील साहित्यले देशको वैचारिक मार्ग निर्माण गर्ने भएकाले प्रगतिशील साहित्यको सिर्जना र त्यसको पठन संस्कारमा जोड दिनु अहिलेको आवश्यकता रहेको बताए । उक्त कार्यक्रममा प्रगतिशील लेखक सङ्घको पत्रिका प्रलेसको ३१ औं अङ्क, तिला लेकालीद्वारा रचित आगोको रङ गजल सङ्ग्रह र विन्दु दाहाल मुकदर्शद्वारा रचित मातृवियोग शोककाव्य पनि लोकार्पण गरिएको थियो ।