केवीआर क्रिएशनद्वारा दिव्य कञ्चन साहित्यिक पत्रिका विमोचन
बिर्तामोड । देब बाँस्कोटा , केवीआर क्रिएशन ग्रुप झापाले सृजनाको संगालो साहित्यिक पत्रिका दिव्य कञ्चन प्रकाशनमा ल्याएको छ ।
कला र साहित्यमा रुपान्तरित सृजना भन्ने मूल नाराका साथ फरक पृष्ठभूमिका प्रतिभालाई गोलबद्ध गराउने अभियान स्वरुप संस्थाका स्थापना गरिएको संस्थाका प्रेस संयाजक दिपेन विश्वकर्माले जानकारी दिनु भयो । समूहको तेस्रो कार्यसमिति बैठकबाट अध्यक्षमा देव बाँस्कोटालाई नियुक्त गरिएको छ ।
झापाको बिर्तामोड ४ मा केन्द्रीय कार्यालय रहेको उर्जाशिल युवाहरुको समूहले २०७९ साल भदौ १० गते संस्था स्थापना गरेको थियो ।
संस्थाका संरक्षक प्रसाईको अध्यक्षतामा सम्पन्न पत्रिका विमोचन कार्यक्रममा, कविता लेखन र प्रतिभा छनोटका विषयमा छलफल भएको संस्थाका सचिव निर्मल काफ्लेले जानकारी दिनु भयो ।
प्रविधिमैत्री प्रकाशन एवं प्रतिभा छनोटका लागि विविध कार्यक्रम सञ्चालन गर्न दिपेन विश्वकर्माको संयोजकत्वमा ३ सदस्य कार्यसमिति समेत गठन गरिएको छ ।
संस्थाको चौथोे कार्यसमितिको बैठकले नयाँ सदस्यको रुपमा आरोही शर्मा, रुविना बुढाथोकी, शर्मिला दाहाल, सरिना रिजाल, विवेक खरेललाई केन्द्रीय सदस्यका रुपमा चयन गरेको छ ।
कार्यक्रममा हरिता दाहाल, मुना काफ्ले, इन्दिरा राई, सृजना चम्लागाईं, रुविना बुढाथाकी,अल्सा बस्नेत, तेस्वी भट्टराई, निर्मल काफ्ले, दिपेन विश्वकर्मा, भरत प्रसाई लगायतले विभिन्न छन्द र रसका रचना बाचन गरेको थिए ।
