कवि तथा पत्रकार सुरेश किरण मानन्धरको निधन

झापा २६ फागुन /नेपालभाषाका कवि तथा पत्रकार सुरेश किरण मानन्धरको सोमबार  निधन भएको छ । 

नेपालभाषा एकेडेमीले भर्खरै एउटा सूचना प्रकाशित गरी नेपालभाषा प्रज्ञा प्रतिष्ठानका प्राज्ञिक परिषद् सदस्य, भाषा आयोगका माननीय सदस्य,नेपालभाषाका कवि तथा पत्रकार सुरेश किरण मानन्धरको निधन भएको जनाएको छ । उनलाई हिजो फागुन २५ गते हृदयाघात भएको थियो र  मनमोहन कार्डियाक सेन्टर, महाराजगञ्जमा उपचार भइरहेको थियो।    

उनका `आज घण्टाघरले मसँग समय सोध्दैछ´शीर्षकको कविता सङ्ग्रहका साथै पद्मरत्न तुलाधरको जीवनी पुस्तक सम्पादन गरेका छन्। 
सुरेश किरण ३९ वर्षका थिए। 
भोलि,फागुन २७ गते बुधबार बिहान ९:००बजेदेखि दिउँसो १२:०० बजेसम्म नेपालभाषा मंका खल:मा श्रद्धाञ्जलीको कार्यक्रम हुने कुरा पनि एकेडेमीले जनाएको छ।