बोधराज पौडेलको ‘धमिराको देवल’ लोकार्पण

२९, कार्तिक, झापा । शुक्रबार निबन्धकार बोधराज पौडेलको निबन्धसङ्ग्रह ‘धमिराको देवल’ लोकार्पण भएको छ । वरिष्ठ समालोचक प्रा.डा. लक्ष्मणप्रसाद गौतमको प्रमुख आतिथ्य तथा आयोजक सँस्था शंकर लामिछाने प्रतिष्ठानका अध्यक्ष राधेश्याम लेकालीको सभापतित्वमा सम्पन्न भएको सो कार्यक्रममा, प्रमुख अतिथि, सभापति तथा संरक्षक सविता ढुंगाना र संगीता शर्मा, गुञ्जनकी निवर्तमान अध्यक्ष वरिष्ठ साहित्यकार हिरण्यकुमारी पाठक, वरिष्ठ समालोचक प्रमोद प्रधान र प्रा.डा. गोविन्दमानसिंह कार्की लगायतले संयुक्त रूपमा कृति सार्वजनिक गर्नुभएको थियो ।

समालोचकद्वय प्रमोद प्रधान र प्रा.डा. गोविन्दमानसिंह कार्कीले सार्वजनिक कृति ‘धमिराको देवल’बारे समीक्षात्मक धारणा राख्नुभएको थियो । कार्यक्रममा साहित्यकार किशोर पहाडी, राजेश खनाल, श्रीबाबु कार्की, प्रीम राई परीक्षित, श्रीराम राई, राजन न्यौपाने, नवराज रिजाल, डी.आर. राई, पारशप्रकाश नेपाल, उमेश पाण्डे, रितु कँडेल, विष्णु आभूषण, यशोदा अधिकारी, होमशंकर बास्तोला, सन्तोषकुमार दाहाल सहितका स्रष्टाहरूको बाक्लो उपस्थिति थियो ।  काठमाडौँको अनामनगरस्थित डालो रेस्टुरेन्टमा सम्पन्न भएको कार्यक्रमको संचालन स्रष्टा कल्पना काफ्लेले गर्नुभएको थियो ।