बनेपामा ‘गाउँ बिरानो भयो’ पुस्तकको बिमोचन

आज बनेपामा ‘गाउँ बिरानो भयो’ पुस्तकको बिमोचन गरिएको छ । कवि मुरहरि रायमाझीद्वारा लिखित सो पुस्तक प्रगतिशील लेखकसंघको एक कार्यक्रममा बिमोचन गरिएको हो । कविता र गजल लेखनमा चर्चा कमाएका रायमाझीका यसअघि दुई गजलसङ्ग्रह र एक कवितासङ्ग्रह प्रकाशित भएका छन् । चौथो कृतिका रुपमा आएको गाउँ बिरानो भयो भित्र छन्दोबद्ध कविता, गजल, हाइकु, साइनो गरी कविताका सात विधाका रचनाहरु समावेश गरिएको छ । सो कृतिलाई शिक्षाविद् विद्यानाथ कोइराला, साहित्यकार जीवेन्द्रदेव गिरी, हरि मञ्जुश्री, रक्तिम लामा लगायतले सार्वजनिक गरे । सोही अवसरमा प्रगतिशील लेखकसंघ काभ्रेपलाञ्चोकको प्रकाशनमा ‘काभ्रेली आवाज’ नामक संयुुक्त कवितासङ्ग्रह पनि सार्वजनिक गरियो भने नवराज दाहाल उत्साहीले विशेष रचना वाचन समेत गरेका कुराको जानकारी साहित्यकार जीवेन्द्रदेव गिरीबाट प्राप्त भएको छ ।